Memoria cache është komponente e kompjuterit e cila ruan te dhënat në mënyrë që kerkesat për këto të dhëna të procesohen më shpejt. Cache-i përmban kopje të një pjesë të të dhënave të cilat ndodhen në memorien kryesore. Kur procesori tenton të lexoj një fjalë nga memoria, së pari kontrollon për këto të dhëna në cache memorie, nëse këto të dhëna ndodhet në cache, kjo e fundit i dërgohet procesorit. Ndërkaq nëse fjala e kërkuar nuk gjendet në cache, një bllok i memories kryesore që përmban fjalën e kërkuar lexohet në cache e pastaj fjala e kërkuar i dërgohet procesorit. Cache memoria i jep memories shpejtësi që i afrohet shpejtësisë së memorieve më të shpejta dhe njëkohësisht siguron kapacitet më të madhë të memories në një çmim më të ulët.